UMasipala Wesifunda Ugu uzwakalisa ukukhathazeka okukhulu ngokwanda kwezakhiwo ezakhiwa phezu noma eduze kakhulu nengqalasizinda yamanzi.

Lokhu kulandela isigameko sakamuva eZingolweni eMlozana lapho kutholakale khona ukuthi i-valve ebalulekile yamanzi ibisivaleleke ngaphakathi kwesakhiwo sebhizinisi lomuntu, okwenze kwaba nzima ukuthi amathimba kamasipala ayifinyelele futhi kubambezeleke imizamo yokubuyisela ukuhlinzekwa kwamanzi emphakathini othintekile.

Ukwakha ezindaweni ezigcinelwe ingqalasizinda yamanzi kuphazamisa ukuhlinzekwa kwezinsiza futhi kubeke imiphakathi engcupheni yokuphazamiseka kwamanzi isikhathi eside.

UMasipala unxusa wonke amalungu omphakathi ukuthi avikele ingqalasizinda yomphakathi futhi agweme ukwakha ezindaweni ezibekelwe amapayipi, ama-valve kanye nezinye izingxenye zohlelo lwamanzi.

Ukuvikela ingqalasizinda yamanzi kusho ukuvikela ikusasa lamanzi ethu sonke.

Siyabonga

uMasipala WoGu