IMeya yoMasipala Wesifunda SoGu, uKhansela Sikhumbuzo Mqadi, ihambisana nezikhulu zoMnyango Wezamanzi ngaphansi koGu,  kanye namalungu ekomidi lendawo, namuhla ibambe umhlangano nomphakathi wakwaQoloqolo ngenhloso yokudingida izinselelo ezithinta ukuhlinzekwa kwamanzi kule ndawo.

Lo mhlangano uyingxenye yemizamo eqhubekayo kaMasipala yokugcina ukuxhumana okuhle nomphakathi, ukwethula impendulo ngezinhlelo zokungenelela ezenziwayo, kanye nokulalela ngqo izikhalo nezidingo zomphakathi mayelana nodaba lwamanzi.

Kulomhlangano kwethulwe umbiko ngenqubekela phambili yezinhlelo zokulungisa nokuthuthukisa ukuhlinzekwa kwamanzi, kwaphinde kwaxoxwa ngezixazululo ezihlose ukuqinisekisa ukutholakala kwamanzi ngendlela ezinzile nethembekile emphakathini.

UMasipala Wesifunda Ugu uyaqhubeka nokuzibophezela ekusebenzisaneni nemiphakathi kanye nokuhlinzekwa kwamanzi ngendlela efanele.

#UguDistrictMunicipality #WaterServices #CommunityEngagement #ServiceDelivery #RenewingHope